Наступная гульня з удзелам ФК Гомель адбудзецца 30 красавіка (нядзеля). У 5 туры Чэмпіянату Гомель на "Цэнтральным" згуляе з ФК Слуцк. Пачатак гульні ў 19:30.

Навiны Фота Фан-крама Спасылкi Мы

4 тур. 23 красавіка. Іслач - ФК Гомель. 0:1 28.04.17, 19:10

У нядзельны вясновы дзень шлях зялёна-белых ляжаў у Менск на гульню супраць ФК Іслач. Надвор'е ў гэты дзень было вельмі пераменлівым, як курсы валют) Дарэчы, гэта першая афіцыйная гульня нашых каманд. ФК Іслач маладая каманда афіцыйна прапісаная ў Менскім раёне, аднак усе гульні праходзяць у Менску. Наведвальнасць гульняў Іслачы жадае лепшага, не стала выключэннем і наша гульня. У агульнай складанасці на трыбунах было каля 200 чалавек (гэта антырэкорд чэмпіянату), з іх зялёна-белых каля 40 чалавек. На гасцявым сектары прысутнічалі двое нашых сяброў з Днепрапятроўска, за што ім асобны рэспект. Таксама сваёй прысутнасцю на выездзе парадаваў адзін з прадстаўнікоў нашага амерыканскага філіяла. Yes, it is)) Яму і было даверана завесці некалькі даўно не гучаўшых нашых зарадаў. У такім становішчы на стадыёне наш гасцявой сектар выступаў у ролі гаспадароў. Гомель вёў у ліку з першага тайма і спакойна давёў гульню да перамогі. Першая перамога на выездзе! Усеагульная весялосць фанатаў і гульцоў. «Мы Гамеля» - пераможны кліч над стадыёнам! Фота.

3 тур. 15 красавіка. ФК Гомель - Славiя (Мазыр) 2:0 21.04.17, 21:12

Чарговая прынцыповая гульня чэмпіянату. Дарэчы, у зімовых таварыскіх гульнях менавіта з мазырскай камандай у нашага ФК ня выходзіла якаснай гульні. Зялёна-белы віраж сабраў каля 170 чалавек. Радуе сваёй актыўнасцю і супрацьлеглыя сектара нашых актыўных заўзятараў. Агульная ж колькасць гледачоў на "Цэнтральным" ў гэты вечар склала каля 4,5 тысяч.У сувязі з чарадой траўмаў шмат у каго з нашых гульцоў, быў зроблены тэкставік у іх падтрымку. Хлопцы, жадаем вам здароўя і хутчэй вяртайцеся ў гульню.
Напал абласнога дэрбі адчуваўся на кожным метры поля. Супернік гуляў вельмі брудна, чаму вельмі спрыяў суддзя, не даючы свісток пры відавочных парушэннях. У выніку лазарэт папоўнілі яшчэ двое гульцоў: нападаючы Нівалда і брамнік Рудзянок.
Пасля першага гола ў вароты Славіі перавага была на баку Гомеля, аднак паставіць тлустую фінальную кропку другім голам ўсё ніяк не атрымлівалася. Зялёна-белыя актыўна гналі каманду наперад, нервовыя апошнія хвіліны матчу і экстаз на трыбунах і на поле ад другога гала ў вароты гасцей. Пасля фінальнага свістка каманда па традыцыі ў сектара і разам з фанатамі святкуе першую перамогу ў чэмпіянаце. Толькі разам мы пераможам! Фота.

2 тур. 9 красавіка. Шахцёр (Салігорск) - ФК Гомель 0:0 12.04.17, 19:42

Першы выезд пасля вяртання клуба ў вышэйшую лігу! Добрая гульня ў папярэднім туры давала надзею на нядрэнны вынік і ў гасцявой сустрэчы ў горадзе шахцёраў. Гасцявы сектар сабраў каля 90 зялёна-белых з нядрэннай гукавой і візуальнай падтрымкай. Вялікія і сярэднія сцягі ўпрыгожвалі выязны віраж. Радуе прысутнасць на выездзе і "старой школы", якая прыехала на аўто і маладых фанатыкаў, якія прыехалі на сабаках. У адзінстве наша сіла! Дзякуй слуцкім хлопцам, рады былі бачыць у такой колькасці. Каманда ў матчы паказала характар і білася на кожным участку поля. Гэта радуе, і дае надзею, што з менш знакамітымі апанентамі каманда пакажа больш яркі і атакуючы футбол. Падрабязнасці дарогі, а так жа ўсе лепшыя моманты апусцім - такое трэба бачыць, а не чытаць;) Скажам толькі, што транспарт, на борце якога былі самыя гарачыя галовы вельмі доўга ехаў у горад над Сожам :)
Чарговы раз пару слоў жадаецца сказаць пра чалавечыя і прафесійныя якасці Сяргея Мацвейчыка. Чалавек ніколі не забывае, дзе пачынаў і хто быў з ім побач. Ён заўсёды аддае належнае зялёна-беламу віражу. Мы так жа імкнемся ўсяляк дзякаваць яму за адданасць нашаму сяброўству і родным колерам. Сяргей быў і застаецца прыкладам для ўсіх футбалістаў і асабліва для выхаванцаў нашага клуба. Моця, ты - лепшы!) Усіх чакаем на хатняй гульні супраць пеўняў. GWF НАЗАЎСЁДЫ! Фота.

1 тур. 1 красавіка. ФК Гомель - ФК батэ 1:1 05.04.17, 17:58

Такім чынам, спадары, пачатак сезону! Усе зялёна-белыя чакалі гэтага з нецярпеннем. Першы матч і адразу ж сустрэча з "вечнымі сябрамі". Што яшчэ трэба для выдатнай атмасферы і хуткага абуджэння пасля зімовай спячкі міжсезоння? :)
Матч пачаўся для зялёна-белых значна раней за 1 красавіка. Падрыхтоўка да матчу вяртання ў вышэйшую лігу ішла поўным ходам. Дзякуй усім, хто ўнёс свой уклад у агульную справу!
Палатно "Рваць і кідаць" наладжвала каманду на бітву на поле супраць прынцыповага суперніка. Усё атрымалася, як і хацелі! Хлопцы біліся на поле за сябе, за ўсіх 7.500 заўзятараў, якія прыйшлі на «Цэнтральны» ў гэты дзень і гналі каманду наперад. На сектары гукавая падтрымка была на ўзроўні, але можна і лепш. Адзначым, што выдатна падтрымлівалі каманду і на 2-3 сектарах. Новыя сьцягі і двуручнікі на зялёна-белым віражы.
У гэтым годзе вырашылі некалькі памяняць стэрэатыпы і павіншаваць нашых «залатнікоў» не толькі перад зялёна-белымі, а перад усім стадыёнам. Горад павінен ведаць сваіх герояў)) У перапынку ўсіх васьмярых залатнікоў 2016 павіншавалі ў цэнтральным крузе стадыёна. Кожны атрымаў памятную суколку і абанемент на сезон 2017.
У другім тайме каманда па-сапраўднаму секлася на полі. Па выніку параўноўваем лік 1:1. На прыканцы матчу 2 нерэалізаваных галявых моманта, якія маглі паставіць тлустую пераможную кропку ў гэтай сустрэчы, аднак не лёс... Дзякуй гульцам, дзякуй кожнаму хто быў у гэты вечар на стадыёне. Мы вярнуліся!
Асобны прывітанне ўсім нашым пацучыным хейтарам і барысаўскім недахуліганам. Больш "ангельскага стылю" на бясплатных басах, хлопцы. Галоўнае самі сябе не ашукайце(с) Фота.

Панявежыс 2017. 28-29 студзеня. XXXIX літоўскі фан-турнір 17.03.17, 19:49

На традыцыйны фанацкі турнір у Літве нас запрасілі другі год запар, кантакты паміж рухамі запрошанымі на турнір мацнеюць і абрастаюць агульнымі мэтамі і ідэямі. Пасля нядрэннага выступу ў мінулым годзе зялёна-белыя ехалі з вялікім жаданнем трапіць у медалі, але аб усім па парадку.
Турнір праходзіў у горадзе Панявежыс. Разнастайная геалакацыя турніру абумоўлена традыцыйнай зменай гаспадара турніру. У гэтым годзе турнір арганізавалі хлопцы з руха мясцовага Экранаса. У гэтым годзе быў крыху іншы фармат, што ўнесла свае карэктывы ў выніковы вынік. Паказаўшы нядрэнную гульню, трываючы своеасаблівае судзейства, нашы хлопцы не выйшлі з групы. Хацелася б адзначыць апошнюю гульню ў групавой стадыі супраць Дынама Кіеў-1, у якой нам патрэбна была толькі перамога, а Кіеву было дастаткова нічыёй для выхаду. Усё атрымалася па класіцы галівудскіх кінастужак :) За 7 секунд да канца гульні пры ліку 2-1 на нашу карысць у гомельскія вароты ставяць пенальці... 2-2 і мы не выходзім з групы... На гэтым і хацелася б скончыць аповед пра футбольны складнік нашага візіту. Фота вынікаў прыкладаюцца.
На такіх турнірах ўсё весялосьць адбываецца далёка не ў спартзале) Выдатная атмасфера на агульнай вечарыне, мора піва, кiкер, пул, сустрэча са старымі сябрамі і новыя знаёмствы - дзеля гэтага і прыбыў наш дэсант! Пару фанатыкаў былі вельмі настойлівыя ў дачыненні да мясцовых дам і, як той казаў, ўдача любіць смелых (нават калі смелыя не ведаюць мовы) :) Увогуле, як спяваецца ў адной вядомай песні: "У галаве маёй туманы-маны!" ))
Хацелася б выказаць падзяку хлопцам з Вільнюса, Кіева, Рыгі і Тбілісі. Рады былі зноў выдатна правесці час. GWF па ўсёй планеце! Фота.

26 тур. 5 лістапада. ФК Гомель - Ашмяны 1:0 06.01.17, 20:04

Апошняя гульня сезону сабрала на «Цэнтральным» мінімальную колькасць гледачоў, што не скажаш пра зялёна-белым віраж, на якім сабралася даволі-такі прыстойная колькасць адданых фанатыкаў. Добрая галасавая і візуальная падтрымка ўвесь матч. У перапынку былі павіншаваны перад сектарам нашы «залатнікі». Іх сёлета 8 чалавек, адзін з якіх прабіў 3-я «золата» запар, а другая 2-е золата запар (так-так, гэта дзяўчына). Велізарны ім усім зялёна-белы рэспект яшчэ раз.
На полі, як і ва ўсіх гульнях апошніх тураў, была сапраўдная барацьба. Але Гомелю ўсё ж удалося забіць пераможны гол і завяршыць сезон на мажорнай ноце! Пасля матчу эмацыянальныя віншаванні каманды, суколкі на сектары і ўзаемныя апладысменты. Пакуль мы адзіныя - мы непераможныя! Убачымся ў вышэйшай лізе! Фота.

25 тур. 29 кастрычніка. ФК ГЧТ - ФК Гомель 0:0 06.01.17, 19:27

Дэрбі мясцовага значэння выклікала вялікую цікавасць у гледачоў у цэлым і выступіла дадатковай матывацыяй для нашых гульцоў, якія ўжо выканалі ўсе задачы на сезон. Намінальна гасцявы віраж (мы былі як бы ў гасцях)) сабраў прыстойную колькасць зялёна-белых. Спецыяльна да гэтага матчу была падрыхтавана расцяжка-працяг «Джэнтльмены крочуць далей» да расцяжкі з першага тура «Джэнтльмены 1-й лігі ў пошуках прыгод», якая сімвалізуе наш выхад у вышэйшы дывізіён. Надвор'е было вельмі брутальная, як і барацьба на полі. Нягледзячы на нулявую нічыю, матч выдаўся багатым на эмоцыі і пакінуў станоўчае ўражанне. Усё на сектар у апошняй гульні сезона! Фота.

24 тур. 23 кастрычніка. ФК Гомель - ФК Смаргонь 0:0 06.01.17, 19:12

Да канца чэмпіянату засталося тры гульні, але страта шэрагу гульцоў асноўнага складу па тых ці іншых прычынах адбіваецца і на гульні. Перамогі сталі давацца складаней. З капітанскай павязкай выйшаў на поле гомельскі выхаванец Аляксей Цяслюк, які як і яго партнёры на працягу ўсёй гульні імкнуліся забіць. Гол ж такі быў забіты, аднак яго не залічылі. Сектар актыўнай падтрымкі сабраў каля 70 зялёна-белых, на стадыёне ж і зусім людзей па мінімуму. Гасцявой сектар пусты. Фота.

23 тур. 16 кастрычніка. ФК тарпеда (Менск) - ФК Гомель 0:1 06.01.17, 19:05

Пасля чорна-белых пантоў ў Гомелі ў цэнтры горада пад пільным вокам месный "спадароў ў цывільным", вырашана было даць шанец хлопцам растлумачыць, да чаго ўсё гэта было ў першым крузе.
Маршрут па автазу быў спецыяльна распрацаваны для зручнасці прымаючага боку, каб у сяброўскай атмасферы ўспомніць старыя добрыя часы. Быццам і аўто было з бадзёрымі прывітаннямі ў наш адрас і абяцаннямі, што паляна накрытая і мяса для шашлыка марынуюць. Быццам бы вось вось ужо, ан не... Патупаўшы па ваколіцах, зрабіўшы фота, трапляем ў абдымкі АМАПа. Перад стадыёнам дасканалы дагляд і палымяная гаворка нейкага туза ў пагонах пра тое, што ён усё пра нас ведае і што лепш усё "флаеры" здаць добраахвотна))
Апошні выезд у першай лігі. На выездзе 60 фанатыкаў, з шыкоўнай гукавой падтрымкай ў першым і чадам ў другім тайме. Каманда выйграе прынцыповы матч! Выйграе без шматлікіх лідэраў, якія выпалі з-за траўмаў, у настроенага суперніка. Што-што, а першая ліга дала штуршок не толькі ў гульнявым, але і ў маральна-валявым плане нашым хлопцам. Што яшчэ трэба? Каманда змагаецца, каманда перамагае! Эмоцыі разам з камандай, захаваныя на фота, застануцца ў шматлікіх у памяці.
Выязныя гульні скончыліся. У гэтым годзе мы іх правялі даволі прадуктыўна. Піра, весялосьць, падтрымка і радасць перамог. 3 хатнія гульні і мы перанясем гэтыя эмоцыі ў вышэйшую лігу ... Фота.

22 тур. 9 кастрычніка. ФК Гомель - ФК Смалявічы 2:1 06.01.17, 18:21

На хатнюю гульню са Смалявічамі ў дажджлівы нядзельны дзень на стадыён прыйшло не шмат гледачоў. Фанацкі віраж гэтак жа не вызначыўся «рэкордам наведвальнасці», а як раз наадварот. Колькасць зялёна-белых на хатнім сектары трохі «падарвалі» гульня нацыянальнай зборнай у Ратэрдаме і фан-турнір у Кіеве, на якіх прысутнічалі прадстаўнікі GWF. Але нягледзячы на невялікую колькасць, падтрымка каманды не аслабла, а наадварот, дзякуючы зладжанасці і самааддачы, ні ледзь не саступала. Каманда выйшла на поле без шэрагу ключавых гульцоў і гульня супраць Смалявічаў ужо не давалася так лёгка, як у першым крузе. Але гульцы ў чарговы раз праявілі характар і вырвалі патрэбную перамогу 2:1. І мы датэрмінова выходзім у вышэйшую лігу!!! Хлопцы, дзякуй за пройдзены адрэзак сезону. Не ўсё атрымлiвалася, але асноўная задача выканана. Сезон не скончаны, яшчэ засталiся матчы, у якiх нам ёсць што даказваць! Гасцявы ж сектар, як і ў многіх хатніх гульнях у гэтым сезоне пуставаў. Фота.

1 2 3 4 5 6 7 8 9 10 11 ... 35

GWF © 2008 (developed by Pack)

Watch cricket live stream online